Wasi Shah

[Parastish]

>>>>>>>>>> AIK<<<<<<<<<<

aik aanchal say bandha hai sab kuch

aik tasweer aur tasweer peh bheegay huye hont

aik sandal ki unaabi pencil

aik beyrabt ka ukhra hua khat

aik adad card

jis ko chooney say teri yaad chali aati hai

aur is card main rakhi hui akloti palak

jis say maanoos duaaon ki mahak aati hai

kisi gumnaam say shaair ka adhura misra

aik paazaib say bichra hua ujla mauti

aik murjhai hui zard chanbali ki kali

jis main ab bhi teri zulfon kay bhanwar liptay hain

aik boseeda sa question paper

jis kay konay peh likha naam abhi taaza hai

sharbati kaanch ki tooti hui naazuk choori

aik toota hua halka sa gulabi naakhun

aik gadla sa tissue paper bhi

jis peh mehkay huye ashkon kay nishaan zinda hain

yahi daulat hai yahi kuch hai asaasa mera

yahi daulat hai yahi kuch hai asaasa mera

aik aanchal say bundha hai sab kuch!

aik bheegay huye aanchal say bundha hai sab kuch!!!

[Parastish]

Re: Wasi Shah

>>>>>>>>>>Mere Wajood Ka <<<<<<<<<<

Yeh kaamyabiyan izzat yeh naam tum se han
Khuda ne jo bhi diya ha maqam tum se han
Tumhare dam se han mere lahoo ma khilte gulaab
Mere wajood ka saray nizaam tum se han
Kahan bisaat-e-jahan or mai kamsin or nadaan
Yeh meri jeet ka sab ahtemam tum se han
Jahan jahan ha meri dushmani sabab mai hoon
Jahan jahan ha mera ahteraam tum se han…

[Parastish]

Re: Wasi Shah

Sochta hon k usey neend bhi aati hogi
Ya faqat meri tarah ashk bahaati hogi

Woh meri shakal mera naam bhulane wali
Apni tasveer se kyaa aankh milaati hogi

Sham hote hi wo chaukhat pe chala kar shammaein
Apni palkon pe kaii khwaab sajaati hogi

Us ne silwaa bhi liye honge siyaah rang libaas
Ab Moharram ki tarah Eid manaati hogi

hoti hogi mere bosay ki talab main paagal
Jab bhi zulfon main koi phool sajaati hogi

Dil ki masoom ragein khud hi sulagti hongi
Juhin tasveer ka kona wo jalaati hogi

Roop de kar mujhe is main kisi shehzade ka
Apne bachon ko kahaani woh sunaati hogi

[Parastish]

Re: Wasi Shah

HUMKO loota ha usi shehr ne ay jan e wafa,
JIS ki galion men mohabat ka kuch hisab na tha,

WOH jo rehtay they mere sath hamesha din bhar,
UN K mazhab men wafaon ka koi baab na tha,

WO jo ankhon mein mohabat ko liye phirtay they,
UN K dil mein thee woh nafrat ke kuch hisab na tha,

MAIN ne jisko bhi museebat men maseeha jana,
JO dia usne bara us se kuch azaab na tha,

MUJHY khyal tha yeh log to mere apne hein WASI:
MAGAR wahan pe to aisa koi rewaj na tha.

[Parastish]

Re: Wasi Shah

Wussat-e-dasht-e-hijr dekh k dar jata hoon,

Tujh se aagay ka safr dekh k dar jata hoon,

Roz dhaltay huye suraj ki tarah shaam gaye,

Mei bhi aik dard k darya mei utar jata hoon,

Woh bhi cup chup si kaheen baith k roti ho gee,

Mei bhi raaton ko zara dair se ghar jata hoon,

Mei ne bhi jurm-e-baghawat k sitam jhilay hain,

Mei bhi ab log jidhar jayein udhar jata hoon,

Chal para hon mei zamananay k asoolon pe WASI,

Mei bhi ab apni baaton se mukar jata hoon ….

[Parastish]

Re: Wasi Shah

Tum Mere Hoke Raho
Apni Khatir Jagey Ho Soye Ho
Apni Khatir Hansey Ho Roye Ho
Kis Liye, Aaj Khoi Khoi Ho
Tum Ne Ansoo Bohat Piye Apne
Tum Bohut Saal Reh Liye Apne
Tum Azal Se Dokhoon Ke Derey Ho
Chahey Khud Ko Ghumoon Main Gehero Ho
Jub Se Paida Hoye Ho Mere Ho
Aaj Kholengey Lab Siye Apne
Tum Bohut Saal Reh Liye Apne
Ab Mere, Sirf Mere Hoke Raho
Aab Mujhe Apne Dard Sane Do
Dil Ki Or Baat Dil Se Kehne Do
Meri Bahoon Main Khud Ko Beney Do
Moddaton Zakham Khud Siye Apne
Tum Bohut Saal Reh Liye Apne
Ab Mere Sirf Mere Hoke Raho
Husn He Husn Ho, Zahnat Ho
Ishq Hon Main Tu Tum Muhabbat Ho
Tum Meri Bus Meri Amanat Ho
Jee Liye, Jis Qader Jiye Apne
Tum Bohut Saal Reh Liye Apne
Ab Mere Sirf Mere Hoke Raho
Rehte Ho Ranj-O-Gham Ke Gheron Main
Dukh Ke, Aasaib Ke Baseron Main
Kaise Choron Tumey Andhero Main
Tum Ko De Donga Sub Diye Apne
Tum Bohut Saal Reh Liye Apne
Ab Mere Sirf Mere Hoke Raho
Tum Bohut Saal Reh Liye Apne
Aab Mere Sirf Mere Hoke Raho

[Parastish]

Re: Wasi Shah

Chandni Raat K Haton Pe Sawar Utri Hai
Koi Khusboo Meri Dehleez K Paar Utri Hai

Us Main Kuch Rang Bhi Hain'Khuwab Bhi'Mehkar Bhi
Jhilmelaati Hoyee Khuwaish Bhi Hai'Inkar Bhi Hai
Osee Khusboo Main Kahee Dard Bhi'Afsanay Bhi
Osee Khusboo Ne Banayee Kahee Diwanay Bhi

Mere Anchal Pe Umidoon Ki Qataar Utri Hai
Koi Khusboo Meri Dehleez K Paar Uthri Hai

Osee Khusboo Say Kisi Yaad K Dar'r Khultey Hain
Mere Pairoon Say Jo Leep'tay To Safar Khultey Hain
Yea hee Khusboo Jo Mujhai Ghar Say Utha Laayee Thi
Ab Kisi Toor Palaat Kar Nahi Janay Diatey
Meri Dehleez Bolatey Hai Mujhai K Loot Aoo
Yea Hee Khusboo Mujhai Wapas Nahi Anay Daitey

Ranj Or Dard Main Dubi Yea Bahaar Utri Hai
Koi Khusboo Mere Dehleez K Paar Utri Hai

Chandni Raat K Hatoon Pe Sawar Utri Hai
Koi Khusboo Meri Dehleez K Paar Utri Hai!!

[Parastish]

Re: Wasi Shah

Main Khush Nasebi Ho Teri
Mujhe Bhe Ras Hai Toh
Tera Libaas Ho Main
Aur Mera Libaas Hai Toh
Ajeeb Shay Hai Mohabbat Ke Hum Kahie Jaye
Tere Pass Ho Main Bhe Mere Bhe Pass Hai Toh
Maie Khudh Ko Faramosh Kia Tere Liye
Aam Hai Sara Jaha Mere Liye Khass Hai Toh
Band Hoto Par Mere Reeth Jami Jati Hai
Mere Pass Hai Phir Bhe Meri Pyas Hai Toh
Drmiyan Tere Mere Jab Se Loug Ane Lagay
Usk Bad Se Main Tanha Aur Be Ass Hai Toh
Tera Libas Ho Main Aur
Mera Libaas Hai Toh.

[Parastish]

Re: Wasi Shah

Bari Shiddat Se Main Ne Tumhein Pany Ki Koshish Ki Hai
Ke Har Zarry Ne Mujhe Tum Se Milany Ki Sazish Ki Hai
Teri Nazron Ko Gila Na Ho Kabhi Mujhse
Itna Tot Ke Maine Tujhse Muhabbat Ki Hai
Tere Ehsaas Ki Kabhi Kami Na Ho Mujh Main
Tere Dil Ne Mere Dil Se Kuch Aise Chahat Ki Hai
Har Pal Tera Naam Lon Is Gustakh Zamany Main
Meri Roh Ne Meri Zaban Ko Itni To Ijazat Di Hai
Khoi Fariyad Meri Puhanch Jay ARSH Tak" Wasi"
Kuch Pal Ke Liye Main Ne Teri Ibadat Ki Hai!

[Parastish]

Re: Wasi Shah

Eik Masoom Takaddus Me Bhigoya Huwa Lams,
Kitna Pakiza Hay Ehsas Me Dhoya Huwa Lams.

Ye Tere Jism Ki Khushbu Ka Sonehra Ehsas,
Jis Terha Chand K Haaley Me Paroya Huwa Lams.

Us K Hontoon Ko Me Chhu Loon To Gumaan Hota Hay,
Jese Jannat K Gulaboon Me Daboya Huwa Lams.

Jo Meri Rooh Me Utrey He Chale Jaate Ho,
Ik Nae Rang Me Ubhrey Ga Ye Boya Huwa Lams.

Bhegi Khusbo Mae Basa, Wasl Me Bhega Bhega,
Kitna Masoom Hay Pehlo Me Ye Soya Huwa Lams.

Tishnagi Aan Basi Hay Meri Pooroon Me WASI,
Dhondta Phirta Hun Muddat Se Main Khoya Huwa Lams.

[Parastish]

Re: Wasi Shah

Teri Ankhun K Haseen Jaal Me Aa Jaon Ga Mai,
Mujh Ko Lagta Hai Teri Chaal Me Aa Jao Ga Mai.

Zindagi Baad Tere Hona Thi Mushkil Lekin,
Ye Na Socha Tha K Is Haal Me Aa Jao Ga Mai.

"Dekh Kr Us Ko Mujhe Yaad Kre Gi Dunya,
Eik Din Us K Khadokhaal Me Aa Jao Ga Mai."

Kitne Mosam The Jo De Kr Mujhe Taaney Guzrey,
Tum To Kehte They K Ik Saal Me Aa Jaon Ga Mai.

Sur Me Aa Jaye Ga Jewan Tere Jane Se,
Tere Aane Se Kisi Taal Me Aa Jao Ga Mai.

[Parastish]

Re: Wasi Shah

Khawab Aur Khusboo
Doono He Azad ru Hein
Doono Qaid Nahe Ho Saktey
Meray Khawab
Tumharey Khusboo....!

[amjad514]

Re: Wasi Shah

Sad Poetry By Wasi Shah

kaash main tere haseen haath kaa kangan hotaa

tu baDe pyar se baDe chaao se baDe armaan ke saath
apani naazuk si kalayee mein chaDhati mujh ko
aur betaabi se furqat ke KhizaaN lamhon mein
tu kisi soch mein Doobi jo ghumatii mujh ko
main tere haath ki Khushbu se mahak saa jata
jab kabhi mooD mein aa kar mujhe chuma karti
tere honTon ki shiddat se main dahak saa jata

raat ko jab bhi tu neendon ke safar par jati
marmari haath kaa ik takiya banaya karti
main tere kaan se lag kar kai baaten karta
teri zulfon ko tere gaal ko chumaa karta
jab bhi tu band qabaa kholne lagati jaanaaN
apani aankhon ko tere husn se kheraa karta
mujh ko betaab saa rakhta teri chaahat kaa nashaa
main teri rooh ke gulshan mein mahakata rahta
main tere jism ke aangan mein khanakata rahta
kuchh nahi to yahi benaam saa bandhan hota

kaash main tere haseen haath kaa kangan hota